Në një intervistë për emisionin Five në RTV Dukagjini, Haliti ka diskutuar mbi bllokimin në Kuvend dhe mospublikimin e aktgjykimit të plotë nga Gjykata Kushtetuese.
Ai ka theksuar rëndësinë e transparencës dhe kërkoi udhëzime të qarta nga ky institucion për të dalë nga krizat kushtetuese. Haliti ka shprehur dëshirën që Gjykata Kushtetuese të ofrojë detaje të mjaftueshme për zgjidhjen e bllokadës, duke theksuar se është e rëndësishme që kjo çështje të mos mbetet e paqartë.
Ai ka bërë të qartë se gjykata duhet të japë udhëzime, jo urdhra. Në vazhdim, Haliti ka theksuar nevojën e Kosovës për një proces më të besueshëm dhe profesional në përzgjedhjen e kandidatëve për Gjykatën Kushtetuese, duke nënvizuar rëndësinë e pavarësisë së këtij institucioni.
Ai ka shtuar se në vendet demokratike, vendimet e gjykatave kushtetuese zbatohen pa debat, duke theksuar se kështu duhet të ndodhë edhe në Kosovë.
Leave a Reply