Dhoma Kombëtare e Avokatisë shprehu shqetësimin e saj të thellë pas vrasjes së gjyqtarit Astrit Kalaja, ngjarje kjo që ndodhi brenda Gjykatës së Apelit në Tiranë.
Ngjarja ndodhi rreth orës 15:00, duke shkaktuar tronditje të madhe në komunitetin gjyqësor. Kryetari i Dhomës, Maksim Haxhia, përmes një deklarate, përcolli ngushëllimet më të sinqerta për familjen e gjyqtarit të ndjerë.
Ai e cilësoi këtë akt si një goditje serioze për të gjithë sistemin e drejtësisë dhe për ligjshmërinë në vend. Gjithashtu, Haxhia bëri thirrje për përmirësimin e sigurisë për të gjithë profesionistët e drejtësisë, përfshirë gjyqtarët dhe prokurorët.
Ai nënvizoi nevojën për avokatët që të rrisin përpjekjet për ndërgjegjësimin e palëve në procese ligjore, duke theksuar rëndësinë e respektimit të ligjit dhe pritshmërive në proceset ku ata përfaqësojnë klientët e tyre.
Leave a Reply