Presidentja e Sllovenisë, Natasha Pirc Musar, mori pjesë në ceremoninë hapëse të Panairit të Librit në Frankfurt, ku theksoi rëndësinë e integrimit të vendeve të Ballkanit Perëndimor në Bashkimin Evropian.
Ajo argumentoi se paqja dhe siguria në Evropë do të jenë të rrezikuara nëse ky proces nuk përparon. Pirc Musar deklaroi se Sllovenia do të vijojë të mbështesë fuqishëm këtë çështje, duke theksuar se BE-ja u themelua si një projekt paqeje, që është më i rëndësishmi për të.
Ajo shprehu besimin se 27 vendet anëtare të BE-së do të kuptojnë domosdoshmërinë e përshpejtimit të këtij procesi, duke përmendur se bashkimi sjell paqe dhe siguri, ashtu siç kanë treguar rastet e Sllovenisë dhe Kroacisë. Duke përmendur përpjekjet e Marta Kos, Pirc Musar theksoi se për të ecur përpara, nevojitet përkrahja e të gjitha vendeve anëtare dhe se Sllovenia do të vazhdojë të lobojë për këtë.
Ajo theksoi se BE-ja mbetet një projekt vital për paqen dhe sigurinë.
Leave a Reply