Kryetari i Prishtinës, Përparim Rama, i është përgjigjur kritikave të Uran Ismailit lidhur me menaxhimin e qytetit.
Rama theksoi se gjatë katër viteve të fundit, Ismaili ka qenë pasiv, ndërsa komuna ka bërë përparime të dukshme. Në një prononcim për Klan Kosova, Rama deklaroi se puna në terren është e dukshme dhe se projektet infrastrukturore, si ndërtimet në Sofali, Kodrinë dhe Kalabri, janë dëshmi të qarta të progresit.
Ai akuzoi Ismailin për përhapje të pasaktësive, duke theksuar se burimet e tij të informacionit nuk janë të besueshme. Rama e sfidoi Ismailin të vizitojë vendet ku po zhvillohet puna për t’u bindur vetë, duke shtuar se pavarësisht kritikave të Ismailit, komuna ka përfunduar projekte të rëndësishme në Kodër të Trimave dhe Kolovicë.
Ai përfundoi duke kritikuar përqendrimin e Ismailit në gjëra të vogla, ndërsa puna e madhe po kryhet në qytet.
Leave a Reply