Presidentja e Kosovës, Vjosa Osmani, ka qëndruar e rezervuar në komentet e saj lidhur me vendimin e Gjykatës Kushtetuese për formimin e Kuvendit.
Gjatë një deklarate të shkurtër, ajo theksoi se janë në pritje të publikimit të plotë të aktgjykimit. Osmani gjithashtu foli për procesin e krijimit të institucioneve, duke theksuar se është e rëndësishme që ky cikël të përmbyllet sa më shpejt për të siguruar funksionalitetin e tyre të plotë.
Ajo shprehu shpresën që procesi të mbyllet shpejt dhe shtoi se komunikimi me partitë politike do të vazhdojë. Presidentja siguroi se sapo aktgjykimi i plotë të publikohet, do të ketë një njoftim zyrtar për të informuar publikun dhe partitë e përfshira në procesin politik.
Leave a Reply