Prokuroria Themelore në Maqedoninë e Veriut ka bërë të ditur se sulmi ndaj Zekirija Shahinit, kandidat për kryetar të Këshillit Komunal, sipas të dhënave fillestare, nuk ishte i motivuar politikisht.
Aktualisht, autoritetet po vazhdojnë kërkimin për autorin e ngjarjes, ndërsa janë duke u mbledhur prova dhe gjurmë që do t’i nënshtrohen analizës së mëtejshme. Dy prokurorë nga Prokuroria Themelore Publike e Kumanovës kanë qenë në vendngjarje për të kryer hetimet.
Gjatë incidentit, Shahini u plagos dhe u transportua për trajtim mjekësor në Spitalin e Qytetit në Kumanovë. Prokuroria ka theksuar se, megjithëse motivet politike janë përjashtuar si arsye e mundshme, të gjitha rrethanat do të shqyrtohen plotësisht.
Ngjarja ndodhi kur dy persona të maskuar hapën zjarr drejt automjetit të Shahinit, rreth orës 13:54. Hetimet janë duke vazhduar për të identifikuar dhe kapur autorët përgjegjës për këtë sulm.
Leave a Reply