Kandidati i Lidhjes Demokratike të Kosovës për Fushë Kosovën, Besnik Osmani, ka prezantuar projektet që synon të realizojë nëse fiton zgjedhjet lokale më 12 tetor.
Ai ka shprehur synimin për të përmirësuar infrastrukturën e qytetit përmes investimeve kryesore. Osmani theksoi rëndësinë e mobilitetit dhe lidhjes më të mirë me kryeqytetin, duke përfshirë ndërtimin e një rrethrrotullimi dhe tre parkingje nëntokësore.
Ai gjithashtu propozoi krijimin e një kompanie publike për menaxhimin e parkimeve. Në sektorin e arsimit, Osmani planifikon ndërtimin e tre shkollave të reja për të përballuar numrin e madh të nxënësve, si dhe tre çerdhe të tjera.
Prioritetet e tij përfshijnë gjithashtu investime në qendra mjekësore dhe muze, duke synuar të përmirësojë shërbimet dhe ofertat kulturore në qytet. Në këtë mënyrë, Osmani synon të sigurojë një zhvillim më të qëndrueshëm për komunitetin e Fushë Kosovës.
Leave a Reply