Qeveria në detyrë e Kosovës ka vendosur të ndajë 100 euro për secilin student, duke synuar lehtësimin e kostove të studimeve.
Ky vendim është pritur me kritika nga disa segmente të shoqërisë dhe politikës, të cilët e shohin si një lëvizje me ndikim politik, veçanërisht pasi ndodhi në prag të zgjedhjeve lokale që do të mbahen pas katër ditësh. Kritikët, përfshirë disa analistë politikë dhe përfaqësues të shoqërisë civile, theksojnë se masa nuk është e parashikuar në buxhetin vjetor dhe nuk përkon me një plan të miratuar pune.
Sipas tyre, kjo përbën një shkelje të Ligjit për Qeverinë, pasi qeveria në detyrë nuk duhet të ndërmarrë veprime që kapërcejnë rutinën administrative. Nga ana tjetër, Lëvizja Vetëvendosje ka promovuar vendimin në rrjetet sociale, duke e cilësuar si një përkushtim për fuqizimin e të rinjve përmes arsimit.
Ndërkohë, lideri i Partisë Demokratike të Kosovës, Memli Krasniqi, e ka kritikuar ashpër këtë veprim, duke e quajtur si një përpjekje për blerje votash dhe duke i ftuar studentët ta përdorin votën e tyre për të ndëshkuar qeverinë.
Leave a Reply