Në Tiranë do të mbahet Konferenca e NATO-s për Mbrojtjen Kibernetike nga 8 deri më 10 tetor 2025, duke u zhvilluar në Pallatin e Kongreseve.
Për të siguruar mbarëvajtjen e këtij aktiviteti të rëndësishëm, Policia e Tiranës ka përgatitur një plan të detajuar për garantimin e rendit publik dhe sigurisë. Në kuadër të këtij plani, janë vendosur kufizime në qarkullimin e automjeteve dhe këmbësorëve në disa zona kyçe të kryeqytetit.
Këto masa do të jenë në fuqi nga ora 07:00 e mëngjesit të 9 tetorit deri në 15:00 të 10 tetorit 2025. Policia e Tiranës i bën apel qytetarëve për mirëkuptim dhe bashkëpunim, duke i inkurajuar të shmangin lëvizjet e panevojshme në zonat e kufizuara dhe të respektojnë udhëzimet e autoriteteve dhe sinjalistikën e vendosur.
Kjo masë synon të sigurojë një zhvillim të qetë dhe të sigurt të konferencës, që është me rëndësi të veçantë për sigurinë kibernetike.
Leave a Reply