Kandidatët për kryetar të komunës së Gjakovës, Ardian Gjini dhe Ardian Gola, zhvilluan një debat të tensionuar në ATV.
Në këtë përballje, Gjini pretendoi se një nga rivalët e tij po bënte telefonata për të nxitur hetime ndaj tij, duke shtuar se nuk i shqetësonte kjo gjë dhe se hetimet mund të vazhdojnë sa të duan. Nga ana tjetër, Ardian Gola, përfaqësues i Vetëvendosjes, u përgjigj se nuk ishte në dijeni të këtyre pretendimeve, por theksoi se gjatë mandatit të Gjinit, krimi në Gjakovë ka arritur nivele shqetësuese.
Ky debat u nxit nga diskutimi për dhënien e pronave komunale për shfrytëzim, çështje kjo që ka ngjallur mjaft polemika. Të dy kandidatët shfaqën qëndrime të kundërta mbi këtë temë, duke thelluar më tej përplasjet mes tyre.
Leave a Reply