Parisi ka nderuar shkrimtarin e njohur shqiptar, Ismail Kadare, duke vendosur një pllakë përkujtimore në adresën ku ai jetoi dhe krijoi një pjesë të rëndësishme të veprës së tij.
Këshilli Bashkiak i Parisit miratoi unanimisht këtë iniciativë në adresën 63 boulevard Saint-Michel, duke njohur kontributin e Kadaresë në letërsinë botërore. Besiana Kadare, vajza e shkrimtarit, nënvizoi se ky veprim i Parisit jo vetëm që vlerëson veprën e babait të saj, por njëherazi nderon edhe Shqipërinë.
Ajo theksoi se Kadare kishte përshkruar identitetin evropian të kombit shqiptar shumë kohë përpara se ky të njihej zyrtarisht nga Brukseli. Ajo shprehu mirënjohje ndaj Parisit dhe Francës për këtë nderim, duke vlerësuar se nganjëherë të tjerët na kujtojnë më së miri se kush jemi dhe çfarë kemi dhënë botës.
Ky gjest përforcon rolin e kulturës shqiptare në qytetërimin evropian përtej politikës.
Leave a Reply