Sonte, Kombëtarja Shqiptare do të përballet me Serbinë në Leskovac, në kuadër të kualifikimeve për Kupën e Botës 2026.
Ndeshja fillon në orën 20:45 dhe është vendimtare për pozicionin e dytë në grup, që garanton një vend në fazën play-off. Shqipëria aktualisht mban vendin e dytë me tetë pikë, vetëm një pikë më shumë se Serbia, që ka një ndeshje më shumë për të zhvilluar.
FIFA e ka klasifikuar këtë përballje si me rrezikshmëri të lartë dhe ka dërguar dy oficerë sigurie për të mbikëqyrur situatën në Serbi. Në këtë ndeshje nuk janë shitur bileta, dhe të gjithë 6,500 tifozët do të jenë të pranishëm me ftesa të veçanta, përfshirë të rinj nga akademitë e futbollit.
Kjo sfidë është thelbësore për ambiciet e të dyja ekipeve në përpjekjen e tyre për të siguruar një vend në Kampionatin Botëror. Shqipëria synon të marrë maksimumin nga kjo ndeshje dhe të ruajë pozicionin e saj në grup.
Leave a Reply