Ariglon Pali, lideri i tifozëve të kombëtares shqiptare, ka bërë të ditur se një numër i madh tifozësh do të mblidhen pranë stadiumit në Tiranë për të ndjekur ndeshjen.
Në një intervistë në emisionin “Weekend”, ai theksoi se një ekran i madh do të vendoset për të mundësuar ndjekjen e ndeshjes nga qytetarët. Pali vlerësoi se do të jenë të pranishëm rreth 1000 deri në 2000 tifozë të organizuar, por pret që edhe shumë qytetarë të tjerë t’i bashkohen kësaj atmosfere festive.
Ai shpreson që ekipi shqiptar të luajë i lirë nga presioni dhe të arrijë një fitore kundër Serbisë. Ky takim pritet të sjellë një atmosferë të ngrohtë në kryeqytet, ku tifozët kuqezinj do të demonstrojnë mbështetjen e tyre për ekipin kombëtar.
Leave a Reply