Në një fjalim në Forumin e Investimeve BE – Ballkani Perëndimor, presidentja e Komisionit Evropian, Ursula von der Leyen, inkurajoi sipërmarrësit të konsiderojnë investimin në rajon.
Ajo theksoi se zgjedhja e Ballkanit Perëndimor është një zgjedhje për Evropën, duke premtuar ngritjen e fabrikave të Inteligjencës Artificiale në Maqedoninë e Veriut dhe Serbi, me synimin për të shtrirë këtë veprimtari në gjithë rajonin. Von der Leyen vuri në dukje se vendet që janë bërë pjesë e BE-së kanë përjetuar rritje të konsiderueshme ekonomike dhe se e njëjta gjë do të ndodhë edhe për Ballkanin Perëndimor.
Ajo njoftoi se BE ka miratuar një plan për të hapur sektorët e saj ekonomikë për bizneset e rajonit, duke theksuar rëndësinë e investimeve të menjëhershme. Për të përforcuar këtë mesazh, ajo njoftoi se së shpejti do të nënshkruhen 10 marrëveshje të rëndësishme biznesi dhe se do të diskutohen 24 investime të mundshme, të cilat do të kontribuojnë në rritjen e kompanive lokale përmes mbështetjes evropiane.
Leave a Reply