Një qytetare nga Kosova ka bërë një denoncim publik për një incident në Aeroportin Ndërkombëtar të Tiranës, ku automjeti i saj u dëmtua në parkimin P2, kati i katërt, rajoni 59.
Gjatë kthimit nga pushimet, ajo vuri re se makina ishte gërvishtur nga një tjetër automjet, ndërsa personi përgjegjës nuk kishte lënë asnjë informacion kontaktues. Qytetarja ka shprehur zhgënjimin e saj për këtë përvojë të pakëndshme dhe mungesën e përgjegjësisë qytetare që përjetoi në Shqipëri.
Ajo thekson se në atë orë të natës, rreth orës 3 të mëngjesit, nuk kishte mundësi ta raportonte rastin në polici. Përmes një mesazhi publik, ajo bën thirrje për kujdes dhe përgjegjësi më të madhe ndaj pronës së të tjerëve në hapësira publike si aeroportet.
Ky rast ka nxjerrë në pah nevojën për ndërgjegjësim më të madh dhe respektim të normave të sjelljes në vendet publike.
Leave a Reply