Vonesa e provave nga mbrojtja mund të zgjasë gjykimin e ish-krerëve të UÇK-së

Muajt e parë të vitit të ardhshëm priteshin të ishin vendimtarë për epilogun e procesit gjyqësor ndaj ish-krerëve të UÇK-së.

Megjithatë, avokati i Hashim Thaçit, Luka Mishetiq, ka sinjalizuar mundësinë e kërkesës për shtyrjen e afateve, çka mund të vonojë marrjen e vendimit përfundimtar. Dhomat e Specializuara ende nuk kanë marrë një kërkesë të tillë nga ekipet mbrojtëse.

Gjatë seancës gjyqësore, Mbrojtja ka theksuar se do ta dorëzojë këtë kërkesë. Trupi Gjykues ka theksuar rëndësinë e menaxhimit të kohës për të siguruar procedura të shpejta dhe ka theksuar se data e synuar e 14 nëntorit për paraqitjen e provave nga Mbrojtja është vetëm orientuese.

Një datë e saktë për dorëzimin e dosjeve përfundimtare do të caktohet pasi të avancojë çështja e Mbrojtjes. Monitoruesit e proceseve në Hagë, si Amer Alija nga Fondi për të Drejtën Humanitare dhe Blendina Veliqi nga IDK, kanë theksuar se çdo shtyrje do të ndikojë në vonesën e vendimit përfundimtar.

Seanca e radhës për Thaçin, Kadri Veselin, Rexhep Selimin dhe Jakup Krasniqin do të rinisë më 27 tetor.