Ilir Gashi, përfaqësues i Partisë Demokratike të Kosovës në Komisionin Qendror të Zgjedhjeve, ka shprehur shqetësime për mundësinë e manipulimit të votave në vendvotimin 2207/01 në fshatin Belinc të Komunës së Shtimes.
Ai ka njoftuar se aty është zbuluar një fletëvotim fals ndërsa ka munguar fletëvotimi origjinal, duke ngritur dyshime për përdorimin e metodës së njohur si “Treni Bullgar”, një praktikë e njohur për mashtrime zgjedhore. Gashi ka kërkuar nga institucionet përkatëse, përfshirë Policinë e Kosovës dhe Prokurorinë, që të kryejnë hetime të plota dhe të paanshme për këtë rast, për të garantuar transparencën dhe mbajtjen e përgjegjësisë institucionale.
Ai theksoi se nëse dyshimet konfirmohen, është e domosdoshme që ky rast të mos kalojë pa pasoja ligjore, pasi çdo përpjekje për të manipuluar vullnetin e qytetarëve përbën një kërcënim serioz për procesin demokratik në vend. KQZ dhe institucionet e tjera duhet të sigurojnë një proces zgjedhor të drejtë dhe të lirë nga manipulimet.
Leave a Reply