Lëvizja Vetëvendosje ka shprehur mbështetje për qytetarët që do të protestojnë më 17 tetor në Tiranë, duke u solidarizuar me ish-krerët e Ushtrisë Çlirimtare të Kosovës.
Ata theksojnë se qëndrimi i tyre ndaj Gjykatës Speciale mbetet i pandryshuar. Sipas Vetëvendosjes, kjo gjykatë nuk ka qenë rezultat i një kërkese të brendshme, por është krijuar si pasojë e një rezolute të vitit 2008, të propozuar nga një përfaqësues rus dhe miratuar më vonë nga raporti i senatorit Dick Marty në vitin 2011.
VV-ja deklaron se lufta e UÇK-së ishte e drejtë dhe e nevojshme, duke kundërshtuar akuzat për ekzistencën e një grupi kriminal brenda saj. Ndërkohë, ata nënvizojnë se Serbia duhet të mbajë përgjegjësi për krimet e saj gjatë luftës.
Gjithashtu, Vetëvendosje kujton se disa nga ata që sot kundërshtojnë Gjykatën Speciale më parë kanë lobuar për themelimin e saj. Ata theksojnë rëndësinë e reflektimit mbi të kaluarën dhe qëndrimet e gabuara të disa politikanëve, përfshirë kryeministrin Edi Rama.
Leave a Reply