Daut Haradinaj, nënkryetar i Aleancës për Ardhmërinë e Kosovës (AAK), ka shprehur dëshirën e tij për të mos qenë më pjesë e një liste zgjedhore përkrah Fatmir Limajt.
Haradinaj theksoi se, pavarësisht respektit që ka për Limajn lidhur me kontributin e tij gjatë luftës, ai nuk e sheh më të përshtatshme të bashkëpunojë politikisht me të. Gjatë një interviste në emisionin “Pressing” në T7, Haradinaj shpjegoi se ndarja politike erdhi pasi Limaj nuk kishte bërë një komunikim paraprak me AAK-në për vendimin e tij për t’u bashkuar me Albin Kurtin.
Haradinaj vuri në dukje se nuk kishte pasur probleme të mëparshme me Limajn, por u shpreh se do të kishte preferuar një komunikim më të hapur para ndryshimit të drejtimit politik nga ana e tij.
Leave a Reply