Disa automjete të Forcës së Sigurisë së Kosovës (FSK) u panë të enjten në veri të Mitrovicës, duke shkaktuar vëmendje dhe reagime të shpejta.
FSK ka bërë të ditur se ky ishte një gabim në drejtimin e konvojit të tyre, i cili ishte nisur nga Istogu për në kazermën në Mitrovicë. Sipas një komunikate zyrtare të FSK-së, konvoji gabimisht ka hyrë në pjesën veriore të qytetit, pasi pjesëtarët kishin ngatërruar rrugën.
Ngjarja është konfirmuar edhe nga zëvendësdrejtori i Policisë së Kosovës për rajonin e veriut, Veton Elshani, i cili deklaroi se pjesëtarët e FSK-së mendonin se ndodheshin në jug. Ky incident ka nxitur raportime të menjëhershme, por autoritetet kanë sqaruar se situata u shkaktua thjesht nga një devijim i paqëllimshëm i rrugës së konvojit, pa pasoja të mëtejshme.
Leave a Reply