Komisioni Qendror i Zgjedhjeve (KQZ) ka informuar lidhur me progresin e aktiviteteve në Qendrat Komunale të Numërimit (QKN).
Deri në orën 16:00 të së enjtes, janë përmbyllur proceset në 17 komuna si Hani i Elezit, Junik, Mamushë dhe të tjera. Në këto qendra, janë verifikuar rezultatet e zgjedhjeve për kryetarë të komunave në 1689 vendvotime, ndërsa për subjektet politike në kuvendet komunale janë numëruar votat në 1668 vendvotime, sipas KQZ-së.
Nga gjithsej 5142 kuti votimi për të dy llojet e zgjedhjeve, deri më tani janë procesuar 3357 kuti. KQZ thekson se aktivitetet kryesore në QKN përfshijnë verifikimin e rezultateve për kryetarë komunash, verifikimin e rezultateve për subjektet politike dhe numërimin e votave për anëtarët e kuvendeve komunale.
Ky proces është një pjesë thelbësore e përpjekjeve për të siguruar transparencë dhe korrektësi në zgjedhjet lokale të këtij viti.
Leave a Reply