Kreu i Bashkimit Demokratik për Integrim, Ali Ahmeti, zhvilloi një takim me Presidentin e Shqipërisë, Bajram Begaj, në Tiranë përpara protestës gjithëkombëtare të quajtur “Drejtësi për Çlirimtarët”.
Gjatë bisedimeve të tyre, ata diskutuan për situatën aktuale në rajon, proceset euroatlantike dhe rolin e rëndësishëm të Shqipërisë e Maqedonisë së Veriut në sigurimin e paqes dhe bashkëpunimit ndërfqinjësor. Ahmeti shprehu mirënjohjen e tij për përparimin e Shqipërisë në procesin e integrimit evropian dhe theksoi rëndësinë që edhe Maqedonia e Veriut të ndjekë këtë rrugë strategjike.
Ai nënvizoi se rruga drejt Bashkimit Evropian është thelbësore për paqen dhe zhvillimin e përbashkët rajonal. Në takim u theksua gjithashtu nevoja për forcimin e stabilitetit rajonal dhe përshpejtimin e integrimit evropian, duke transformuar barrierat ekzistuese në ura bashkëpunimi dhe dialogu mes vendeve që ndajnë histori të përbashkët.
Leave a Reply