Zyra Federale e Fatkeqësive dhe Ndihmës Civile në Gjermani ka bërë thirrje për përgatitje në rast emergjencash të mundshme, si ndërprerje masive të energjisë elektrike për shkak të sulmeve kibernetike apo stuhive.
Në raste të tilla, mund të ketë ndërprerje të rrjeteve telefonike dhe internetit, prandaj rekomandohet që numrat e rëndësishëm të telefonit dhe hartat të ruhen në formë të shtypur. Për të qenë të përgatitur, qytetarëve u sugjerohet të kenë banka energjie dhe radio me bateri për të ndjekur njoftimet zyrtare.
Në rast shpërthimi, qytetarët këshillohen të kërkojnë strehim në hapësira të brendshme pa dritare ose dyer të jashtme. BBK thekson rëndësinë e verifikimit të burimeve të informacionit për të shmangur keqinformimin.
Ministri i Brendshëm, Alexander Dobrid, njoftoi se do të investohen 10 miliardë euro deri në vitin 2029 për të përmirësuar strukturat e mbrojtjes civile, duke përfshirë trajnimin dhe pajisjet. Udhëzimet e BBK-së përfshijnë gjithashtu se cilat dokumente duhet të mbahen në origjinal dhe çfarë të përmbajë çanta e emergjencës për sigurinë e familjes.
Leave a Reply