Lidhja Demokratike e Kosovës (LDK) ka bërë të ditur se veprimet e kandidatit të saj në Vushtrri, Xhafer Tahiri, për të formuar një koalicion me Vetëvendosjen në këtë komunë nuk janë të autorizuara nga partia.
Sipas LDK-së, çdo marrëveshje e këtij lloji duhet të ndjekë procedurat statutare të partisë, gjë që nuk ka ndodhur në këtë rast. Në deklaratën e saj, LDK-ja thekson se veprimet e Tahirit janë individuale dhe të papranueshme, duke kundërshtuar praktikat demokratike të partisë.
LDK-ja planifikon të analizojë performancën e kandidatit dhe të Degës së Vushtrrisë përpara se të marrë vendime të mëtejshme. Partia e bën të qartë se fokusi i saj aktual është në garën elektorale të balotazhit dhe se veprime të tilla si ky i fundit do të trajtohen sipas Statutit, vetëm pas përfundimit të zgjedhjeve lokale.
Leave a Reply