Deputetja e Partisë Demokratike të Kosovës, Vlora Çitaku, ka reaguar ndaj deklaratave të kryeministrit në detyrë, Albin Kurti, i cili ka folur për tensione dhe xhelozi mes partive në lidhje me formimin e një qeverie të re.
Çitaku e ka kritikuar Kurtin duke pohuar se ai nuk kërkon marrëveshje apo kompromis, por nënshtrim. Në postimin e saj, Çitaku nënvizon se populli i Kosovës nuk pranon të nënshtrohet.
Ajo thekson se udhëheqësit aktualë kanë keqpërdorur misionet diplomatike të Kosovës për përfitime partiake, veçanërisht gjatë kohës së fushatës zgjedhore kur vendi është pa qeveri legjitime. Sipas Çitakut, rasti i fundit në Londër tregon qartë mentalitetin e një partie që e trajton shtetin si pronë të vetën.
Ajo kritikon Kurtin për fyerjet dhe përbuzjet e tij të mëparshme ndaj kundërshtarëve politikë dhe pohon se atmosfera e tensionuar politike është rezultat i qasjes së tij ndaj formimit të qeverisë.
Leave a Reply