Zëvendëspërfaqësuesi Special i OKB-së në Kosovë, Milbert Dongjoon Shin, ka theksuar se që nga zgjedhjet e mbajtura në shkurt, përçarjet ndërmjet partive kanë penguar formimin e qeverisë dhe konstituimin e Kuvendit të Kosovës, duke ndikuar në funksionimin e institucioneve qendrore.
Pas zgjedhjes së nënkryetarit serb të Kuvendit më 10 tetor, ky organ u shpall i konstituuar nga kryetari, por vendimi u kontestua nga 10 deputetë serbë në Gjykatën Kushtetuese. Shin theksoi se respektimi i pavarësisë së gjyqësorit është themelor për demokracinë dhe shpreson që vendimi i Gjykatës do të ndihmojë në tejkalimin e përçarjeve politike.
Ai gjithashtu mirëpriti takimet e dialogut midis Kosovës dhe Serbisë që u mbajtën në qershor dhe shtator në Bruksel, duke u bërë thirrje palëve të shmangin veprimet që dëmtojnë mirëbesimin dhe të trajtojnë çështjet e hapura me mirëbesim.
Leave a Reply