Gjatë një kontrolli rutinë në pikën kufitare të Vërmicës, zyrtarët doganorë të Kosovës ndaluan një automjet që po hynte në vend.
Gjatë inspektimit u zbuluan aksesorë për telefona të cilët, pas një verifikimi të detajuar, u konstatuan të jenë të falsifikuara dhe në shkelje të të drejtave të pronësisë intelektuale. Në përputhje me procedurat ligjore, mallrat u ndaluan dhe ndaj personit përgjegjës u iniciua procedura për kundërvajtje doganore.
Dogana e Kosovës thekson përkushtimin e saj për të parandaluar hyrjen dhe qarkullimin e mallrave të falsifikuara në tregun e vendit, duke siguruar zbatimin e ligjeve që mbrojnë të drejtat e pronësisë intelektuale dhe të konsumatorëve. Ky veprim nënvizon angazhimin e doganës për të mbrojtur tregun vendor nga mallrat e falsifikuara, duke siguruar që konsumatorët të kenë akses në produkte që respektojnë standardet ligjore dhe të drejtat e pronësisë.
Leave a Reply