Zhvillimi pozitiv i zgjedhjeve lokale në Kosovë është vlerësuar nga Bashkimi Evropian si një hap i rëndësishëm drejt mundësisë së heqjes së masave të vendosura në vitin 2023.
Gjatë vizitës së fundit të Presidentes së Komisionit Evropian, Ursula von der Leyen, në Kosovë, një përfaqësues i BE-së vlerësoi raundin e parë të zgjedhjeve si paqësor dhe gjithëpërfshirës, me pjesëmarrjen e të gjitha komuniteteve. Zëdhënësi i BE-së, në një deklaratë për RTK-n, theksoi se ky proces zgjedhor përbën një sinjal të rëndësishëm deeskalimi në veri, i cili do të merret parasysh për heqjen e mëtejshme të masave.
Gjatë vizitës së saj në Prishtinë, von der Leyen zhvilloi bisedime konstruktive me Presidenten Vjosa Osmani dhe Kryeministrin Albin Kurti. Bashkimi Evropian shpreson që raundi i dytë i zgjedhjeve lokale të zhvillohet në të njëjtën frymë dhe të sigurojë një tranzicion të qetë të qeverisjes lokale.
Leave a Reply