Një 35-vjeçar nga Bilishti u arrestua nga autoritetet në Kapshticë, pasi ishte në kërkim për një tentativë vrasjeje ndaj gjyshit të tij.
Sipas Drejtorisë Vendore të Kufirit dhe Migracionit në Korçë, ngjarja ndodhi më 4 tetor, kur i dyshuari sulmoi gjyshin me thikë. Policia e Korçës ka zbatuar urdhrin e ndalimit të lëshuar nga Prokuroria për shtetasin V.
Sh., i cili akuzohet për “Vrasje për shkak të marrëdhënieve familjare” në tentativë, si dhe “Prodhimi, mbajtja, blerja apo shitja pa leje e armëve të ftohta”. Autoritetet pretendojnë se 35-vjeçari ka kryer disa goditje me thikë ndaj gjyshit të tij.
Materialet procedurale i janë dorëzuar tashmë Prokurorisë së Korçës për veprime të mëtejshme hetimore. Kjo ngjarje ka bërë që organet e rendit të forcojnë masat për parandalimin e krimeve të ngjashme në të ardhmen.
Leave a Reply