Çështja e ndërtimit të Aeroportit të Vlorës ka ngjallur debate të shumta kohët e fundit në Shqipëri.
Biznesmeni Behgjet Pacolli ka bërë akuza të drejtpërdrejta ndaj noteres në Tiranë, Vlora Selimi, duke e cilësuar atë përgjegjëse për përfshirjen e deklaratave të pavërteta në një akt noterial. Sipas Pacollit, ky dokument, i cili pretendon praninë e tij fizike gjatë nënshkrimit të transferimit të aksioneve nga MABCO Construction SA tek shoqëria “2A”, është i rremë.
Pacolli thekson se as ai dhe as ndonjë përfaqësues i autorizuar nga MABCO Construction SA nuk kanë qenë të pranishëm në zyrën e noteres Selimi dhe nuk kanë nënshkruar asnjë dokument. Ai shpreh se ky akt noterial është një element kyç i veprimtarisë së dyshuar të kundërligjshme, duke përfshirë edhe Valon Lluka.
Pacolli e cilëson këtë akt si burimin kryesor të situatës aktuale, e cila u zbulua më 18 gusht në dokumentacionin e ish-administratorit të shoqërisë VIA.
Leave a Reply