Këngëtarja e njohur Melinda Ademi ka reaguar në mënyrë humoristike ndaj spekulimeve që kanë qarkulluar kohët e fundit në media për një shtatzëni të mundshme.
Pas fejesës me Granit Muhaxherin, një video në Instastory e Melindës bëri që ndjekësit të vërejnë një ndryshim në barkun e saj, duke nxitur kështu spekulime për një shtatzëni të mundshme. Për të sqaruar situatën, Melinda publikoi një foto në Instagram, ku shfaqet me një gotë verë në dorë dhe me mbishkrimin: “Nuk jam shtatzënë… ha kur jam e lumtur.” Me këtë postim, ajo i ka dhënë fund aludimeve, duke treguar njëherësh edhe anën e saj gazmore.
Ky reagim vjen pas zërave të shumtë për një shtatzëni të mundshme, duke sqaruar njëherësh edhe ndjekësit e saj. Me këtë veprim, Melinda ka treguar se preferon të mbajë një qasje të qetë dhe të hapur ndaj fansave të saj.
Leave a Reply