Ish-kandidati për kryetar të komunës së Vushtrrisë, Xhafer Tahiri, ka bërë publike disa biseda që tregojnë se Lidhja Demokratike e Kosovës (LDK) ishte e informuar për planin e një koalicioni me Lëvizjen Vetëvendosje (VV).
Në këto komunikime, kryetari i LDK-së, Lumir Abdixhiku, shpreh shqetësimin për publikimin e marrëveshjes, duke kërkuar që të mos bëhet publike. Abdixhiku gjithashtu kërkoi një javë shtesë për të finalizuar marrëveshjen, duke theksuar se koalicioni ishte bërë në interes të qytetarëve të Vushtrrisë.
Tahiri shpjegoi se ky hap ishte i nevojshëm për të ndryshuar qeverisjen e PDK-së, e cila sipas tij ka qeverisur keq dhe ka bllokuar zhvillimin. Ai sqaroi se konsultimet për marrëveshjen janë bërë me themeluesit dhe asamblistët e degës së LDK-së në Vushtrri.
Në një intervistë për Kanal 10, Tahiri konfirmoi se ky koalicion nuk ndikon në asnjë komunë tjetër dhe se ai nuk do të ketë rol në kuvendin komunal.
Leave a Reply