Në sheshin “Ibrahim Rugova” përballë Kuvendit të Kosovës ndodhi një përleshje fizike mes deputetit të Lidhjes Demokratike të Kosovës, Armend Zemaj, dhe një qytetari.
Incidenti u shkaktua kur qytetari e quajti Zemajn “rrenc” gjatë një interviste të tij. Të dy u shoqëruan në polici për të dhënë deklarata.
Rasti tashmë është duke u hetuar nga Prokuroria e Prishtinës. Autoritetet kanë intervistuar të dyshuarin për veprën penale të “Sulmit” dhe Policia e Kosovës ka lëshuar një tiketë për kundërvajtje për prishje të rendit publik.
Instituti i Kosovës për Drejtësi, përmes drejtorit të tij ekzekutiv, Ehat Miftaraj, kritikoi veprimin e deputetit, duke theksuar se politikanët duhet të jenë shembull i tolerancës. Miftaraj gjithashtu kritikoi ndikimin e diskursit politik të Lëvizjes Vetëvendosje, që sipas tij ka polarizuar shoqërinë.
Pas incidentit, deputeti Zemaj kërkoi falje publike, duke deklaruar se reagimi i tij ishte impulsiv dhe nuk përfaqësonte qëndrimet e tij personale ose si anëtar i LDK-së.
Leave a Reply