Albin Kurti, kandidati për postin e kryeministrit të Kosovës, ka prezantuar përbërjen e kabinetit të tij qeveritar dhe ka shpalosur vizionin për mandatin e ardhshëm.
Në fjalën e tij, Kurti theksoi se asnjëra nga partitë parlamentare, të cilave u ofroi mundësinë për bashkëqeverisje, nuk ka pranuar të bashkohet me të. Ai vuri në dukje se prania e këtyre partive në koalicion do të mundësonte formimin e një qeverie të re dhe zgjidhjen e çështjes së zgjedhjes së presidentit.
Kurti vuri në pah se kanë kaluar më shumë se gjashtë muaj nga thirrja e seancës konstituive më 15 prill, dhe vetëm tani është arritur në fazën e formimit të qeverisë, një vonesë e paprecedentë në historinë e Republikës. Kjo periudhë e pritjes për vendimin e Gjykatës Kushtetuese ka ndikuar negativisht në marrëdhëniet ndërkombëtare dhe proceset e reformave, duke dëmtuar besueshmërinë e Kosovës para partnerëve ndërkombëtarë.
Seanca e sotme nisi me një vonesë prej 1 ore e 8 minutash.
Leave a Reply