Në seancën e jashtëzakonshme për formimin e qeverisë së re, kandidati për kryeministër, Albin Kurti, prezantoi pesë vendimet kyçe që planifikon t’i ndërmarrë në javën e parë të mandatit të tretë, nëse merr besimin e deputetëve.
Kurti ka bërë të ditur se vendimi i parë do të jetë miratimi i Projektligjit për Buxhetin e vitit 2026. Ai gjithashtu planifikon të caktojë pensionin minimal në 150 euro, duke përfshirë rreth 200 mijë pensionistë.
Rritja e shtesave për fëmijë me 50% është një tjetër prioritet, që do të prekë afërsisht 400 mijë fëmijë. Një tjetër masë është rritja e pagës minimale në 500 euro, që do të përfitojë shumë punëtorë në sektorin privat.
Kurti synon gjithashtu ndryshimin e ligjit për të hequr kufizimet e punësimit për veteranët e UÇK-së në sektorin privat. Këto masa synojnë të forcojnë mbështetjen për qytetarët dhe të nxisin zhvillimin ekonomik dhe social në Kosovë.
Leave a Reply