Mimoza Kusari, kryetarja e partisë Alternativa dhe aleate e Vetëvendosjes, ka hedhur poshtë akuzat që kryeministri në detyrë Albin Kurti ka ofenduar drejtuesit e partive të tjera gjatë natës së zgjedhjeve.
Ajo ka sqaruar se deklaratat e Kurtit janë keqinterpretuar, duke theksuar se ai thjesht iu referua një statistike ekonomike të diskutuar nga një përfaqësues i Lidhjes Demokratike të Kosovës. Kusari ka theksuar se kriza politike nuk buron nga qeveria, por nga refuzimi i opozitës për të pranuar rezultatet zgjedhore.
Ajo sugjeroi se një bashkëpunim me qeverinë për çështje të rëndësishme do të ishte më i dobishëm. “Problemet e opozitës lidhen me mospranimin dhe mosreflektimin pas zgjedhjeve,” ka thënë Kusari, duke shtuar se nëse opozita do të kishte një qëndrim të përbashkët me qeverinë për çështje si largimi i bandave kriminale dhe qëndrimi ndaj listës serbe, situata do të ishte ndryshe.
Leave a Reply