LDK dhe PDK bashkohen në Fushë Kosovë kundër VV-së dhe AAK-së

Lidhja Demokratike e Kosovës dhe Partia Demokratike e Kosovës kanë formuar një koalicion në Fushë Kosovë, njoftoi kandidati i LDK-së, Besnik Osmani.

Ky bashkim vjen pas mbështetjes që kandidati i VV-së, Valon Prebeza, mori nga kandidatja e AAK-së, në të njëjtën komunë. Koalicioni është arritur me synimin për të përmirësuar zhvillimin dhe mirëqenien e qytetarëve të Fushë Kosovës.

Dy partitë kanë punuar intensivisht në ditët e fundit për të krijuar një plan qeverisës të përbashkët, duke koordinuar veprimet me qendrën. Ata kanë nënshkruar një marrëveshje për një qeverisje gjithëpërfshirëse për mandatin e ardhshëm.

Kjo marrëveshje është shprehje e përgjegjësisë politike dhe synon të sjellë një qeverisje moderne dhe transparente, në shërbim të qytetarëve të Fushë Kosovës. Të dyja palët janë të vendosura të punojnë së bashku për prosperitetin e komunitetit lokal.