Një incident ka ndodhur në kompaninë “Valoni Titan” në Gjilan, ku një punëtor, Rinor Haxhiu, ka pësuar lëndime gjatë kryerjes së detyrave të tij.
Në lidhje me këtë ngjarje, pronari i firmës, Naser Deliu, është ndaluar për 48 orë nga policia, pas urdhrit të Prokurorisë. Burimet tregojnë se, pas hetimeve dhe konsultimeve me Prokurorin e çështjes, Deliu është intervistuar për të dhënë sqarime mbi kushtet e punës dhe procedurat e sigurisë në kompani.
Pas shqyrtimit të deklaratave të tij dhe provave të mbledhura, është marrë vendim për ndalimin e tij. Deliu është dërguar në Qendrën e Ndalimit Policor për një periudhë 48-orëshe.
Rasti do të procedohet me kallëzim penal për dyshimet mbi veprat penale të “Asgjësimit, dëmtimit ose heqjes së pajisjeve mbrojtëse” dhe “Rrezikimit të sigurisë në vendin e punës”. Materialet hetimore do t’i kalojnë Prokurorisë Themelore në Gjilan për procedim të mëtejshëm.
Hetimet po vazhdojnë.
Leave a Reply