Liburn Aliu, ish-ministri i Mjedisit, Planifikimit Hapësinor dhe Infrastrukturës në Kosovë, është emëruar drejtor i Portit të Durrësit në Shqipëri.
Ministria e Infrastrukturës dhe Energjisë në Tiranë konfirmoi këtë emërim, duke e cilësuar si një hap të rëndësishëm për menaxhimin e portit më të madh të vendit. Pas dorëheqjes nga Qeveria Kurti, të cilën ai e quajti “vendim personal”, Aliu vendosi të vazhdojë karrierën e tij në Shqipëri.
Ish-deputeti i Vetëvendosjes, Fatmir Humolli, komenton se ky është një zhvillim i natyrshëm dhe pozitiv, duke theksuar lidhjet historike të familjes së Aliut me Shqipërinë. Sipas Humollit, Aliu ka zgjedhur Shqipërinë si një mundësi për të kontribuar më mirë, për shkak të kufizimeve në Kosovë, ku ai beson se Lëvizja Vetëvendosje nuk është e përgatitur për qeverisje efektive.
Humolli gjithashtu vlerëson politikat e kryeministrit Edi Rama për integrimin e profesionistëve kosovarë në administratën shqiptare, duke e konsideruar këtë qasje si një hap të rëndësishëm për bashkëpunimin mes dy vendeve.
Leave a Reply