Presidenti i Serbisë, Aleksandar Vuçiç, ka deklaruar se urdhër-arresti ndërkombëtar për Presidentin rus Vladimir Putin do të ketë pasoja negative dhe do të zgjasë luftën në Ukrainë. Ky qëndrim vjen pas lëshimit të urdhër-arrestit nga Gjykata Ndërkombëtare Penale, e cila e akuzon Putinin për krime lufte.
Ndërkohë, Serbia planifikon të nënshkruajë një marrëveshje trevjeçare për importin e gazit natyror nga Rusia, duke siguruar 2.5 miliardë metra kub në vit. Kreu i kompanisë shtetërore serbe të gazit, Dushan Bajatoviq, konfirmoi për Radiotelevizionin e Serbisë se vendi merr tashmë furnizime ditore nga Rusia dhe Azerbajxhani.
Serbia vazhdon të mbetet një nga blerësit e paktë të gazit rus në Evropë, pavarësisht aspiratave për anëtarësim në Bashkimin Evropian dhe presionit perëndimor për t’u përafruar me sanksionet e BE-së ndaj Rusisë. Industria e Naftës e Serbisë (NIS), e kontrolluar kryesisht nga Gazprom-i rus, është në kërkim të përjashtimeve për të shmangur ndikimin e sanksioneve amerikane mbi furnizimin me naftë të papërpunuar.
Leave a Reply