“Surroi kundërshton Halitin: Deklaratat për UÇK-në te Clintoni janë të pabaza, kërkuam mbështetje nga SHBA”

Publicisti Veton Surroi ka reaguar ndaj komenteve të Xhavit Halitit, i cili pretendoi se delegacioni i Kosovës në SHBA në vitin 1999 kishte bërë propagandë kundër UÇK-së dhe Shqipërisë. Në një postim në Facebook, Surroi e cilësoi këtë pohim si “krejtësisht të pavërtetë”, duke theksuar se delegacioni kishte mbrojtur kauzën e Kosovës dhe kishte kërkuar mbrojtje amerikane. Ai vuri në dukje se takimi me ish-presidentin amerikan Bill Clinton kishte pasur për qëllim mbrojtjen e Kosovës dhe jo përgojimet. Surroi gjithashtu shprehu keqardhje për mungesën e respektit ndaj individëve që nuk janë më gjallë. Në anën tjetër, Haliti kishte deklaruar në emisionin “Frontal” në T7 se delegacioni i përbërë nga Ibrahim Rugova, Veton Surroi dhe Fehmi Agani kishte akuzuar ish-kryeministrin e Shqipërisë, Fatos Nano, për financim të grupeve të armatosura në Kosovë.