Ermal Panduri, moderatori i emisionit “Debat Plus”, i është përgjigjur kandidatit për kryetar të Mitrovicës, Faton Peci, pas akuzave të këtij të fundit, duke i bërë thirrje të mos krijojë kundërshtarë imagjinarë gjatë fushatës zgjedhore.
Panduri theksoi se Peci duket në kërkim të një armiku për fazën e dytë të fushatës, por ai duhet të shmangë shpikjen e tij aty ku nuk ka baza. Panduri sqaroi se exit poll-i për Mitrovicën e Jugut ishte i gabuar dhe se UBO Consulting, e cila shpesh vlerësohet si e besueshme nga partnerët e Pecit, e pranoi publikisht gabimin pas zgjedhjeve.
Ai nënvizoi se RTV Dukagjini dhe ai vetë nuk kanë asnjë preferencë për ndonjërin prej kandidatëve, përkundër disa anëtarëve të koalicionit të Pecit që shprehën mbështetje për kundërshtarin e tij. Moderatori shtoi se qëllimi i RTV Dukagjinit është kërkimi i së vërtetës pa polemika të shpikura, duke theksuar se studiot e “Debat Plus”-it janë të hapura.
Ai sugjeroi që nëse Peci ka prova, duhet t’i drejtohet Prokurorisë, ndërsa për planet për Mitrovicën, ai është i mirëpritur në “Debat Plus”.
Leave a Reply