Profesori Alush Gashi ka shprehur kënaqësinë për njohjen e Kosovës nga Siria, duke vlerësuar rolin e rëndësishëm të Princit të Kurorës Mohammed Bin Salman al Saud në këtë arritje.
Në një intervistë për Metron, Gashi theksoi se ky hap është pjesë e përpjekjeve diplomatike të ndërmarra nga lideri i Arabisë Saudite. Ai shtoi se, pas njohjes nga Siria, do të ketë përpjekje për të siguruar njohjen nga vende të tjera si Libani, Iraku, Indonezia dhe Tunizia.
Gashi gjithashtu falënderoi Arabinë Saudite dhe Shtetet e Bashkuara për mbështetjen e tyre. Regjimi i ri në Damask ka treguar gatishmëri për të ndjekur një kurs të ri politik, duke kërkuar normalizim me Perëndimin dhe vendet e rajonit, pas një periudhe të gjatë nën regjimin e familjes Assad dhe ndikimin e Rusisë dhe Iranit.
Siria është vendi i 120-të që njeh pavarësinë e Kosovës.
Leave a Reply