Arian Tahiri, kandidati për kryetar të Mitrovicës, ka formalizuar sot një marrëveshje koalicioni me Ergin Kanin, kryetarin e Kosova Demokratik Türk Partisi (KDTP) në Mitrovicë.
Ky bashkëpunim vjen ndërsa qyteti përgatitet për zgjedhjet e 9 nëntorit dhe synon të ndërtojë një të ardhme të përbashkët për të gjithë banorët e Mitrovicës. Në një postim të tij, Tahiri e ka cilësuar këtë marrëveshje si një hap të rëndësishëm për të ardhmen e qytetit.
Ai ka theksuar se koalicioni katërvjeçar do të përqendrohet në zhvillimin e Mitrovicës dhe në sigurimin e përfshirjes së barabartë të të gjitha komuniteteve. Tahiri ka shprehur mirënjohjen ndaj qytetarëve për mbështetjen e tyre të vazhdueshme, duke e përkufizuar Mitrovicën si “shtëpinë e përbashkët” të të gjithëve.
Ai theksoi rëndësinë e angazhimit të përbashkët për të siguruar mundësi të barabarta dhe një të ardhme më të mirë për çdo banor.
Leave a Reply