Kryeshefi i Inspektoratit Policor të Kosovës, Kushtrim Hodaj, zhvilloi një takim me Giovanni Pietro Barbano, shefin e Misionit të Bashkimit Evropian për Sundimin e Ligjit në Kosovë (EULEX).
Gjatë këtij takimi, Hodaj e informoi Barbano-n për progresin dhe arritjet e Inspektoratit Policor të Kosovës. Barbano theksoi rëndësinë e madhe të Inspektoratit Policor në ruajtjen e sundimit të ligjit dhe respektimin e të drejtave të njeriut në Kosovë, duke vlerësuar diskutimet konstruktive dhe të hapura me palën kosovare.
Ai nënvizoi rëndësinë e bashkëpunimit të tillë për të çuar përpara qëllimet e përbashkëta. Në fund, Hodaj shprehu mirënjohjen ndaj EULEX-it për mbështetjen e pandërprerë që ky mision ka ofruar në zbatimin e mandateve ligjore të Inspektoratit Policor.
Ky bashkëpunim vazhdon të jetë një shtyllë e rëndësishme në fuqizimin e institucioneve të sundimit të ligjit në Kosovë.
Leave a Reply