Raportuesi i Përhershëm i Parlamentit Europian për Shqipërinë, Andreas Schieder, shprehu optimizmin e tij për mbylljen e grup-kapitujve të negociatave për integrimin e Shqipërisë në BE deri në vitin 2027.
Gjatë një konference për shtyp në Këshillin e Europës, ai theksoi se në nëntor pritet të hapet kapitulli i fundit, duke shënuar një hap të rëndësishëm drejt plotësimit të kushteve të nevojshme. Schieder theksoi se viti 2026 do të jetë vendimtar për mbylljen e kapitujve, me Komisionin Europian që do të kryejë vlerësimin, ndërsa Këshilli dhe Parlamenti Europian do të japin miratimin.
Ai beson se shumica e kapitujve do të përfundojnë vitin e ardhshëm, duke u mbyllur tërësisht deri në vitin 2027. Sipas tij, zbatimi i ligjeve mbetet kyç për suksesin e këtij procesi.
Ai vuri në dukje se Shqipëria ka potencial të madh, falë pozicionit të saj gjeografik dhe rritjes së turizmit, që dëshmon interesin e qytetarëve të BE-së për këtë vend.
Leave a Reply