Lëvizja Vetëvendosje ka filluar zyrtarisht fushatën për balotazhin e zgjedhjeve lokale me një tubim në Prishtinë, ku kryetari i partisë dhe kryeministri në detyrë, Albin Kurti, iu drejtua qytetarëve, duke i ftuar të mbështesin kandidatët e tyre.
Në fjalën e tij, Kurti theksoi vendimet e fundit të qeverisë që ai drejton, mes tyre rritja e rrogave dhe pensioneve, si dhe bursat për studentët. Kurti vuri në dukje se komuna të qeverisura nga Vetëvendosje kanë përfituar nga investime të shumta, duke u distancuar nga paraardhësit që, sipas tij, lanë vetëm borxhe.
Ai u bëri thirrje edhe votuesve të partive të tjera të fokusohen te puna e bërë nga Vetëvendosje, jo vetëm te partia. Duke parë të ardhmen, Kurti përmendi planet për investime të mëdha në komuna të tjera, duke premtuar një miliard euro për projekte që shërbejnë qytetarët.
Sipas tij, këto investime do të shkojnë tek komunat që janë të përkushtuara për t’u shërbyer banorëve.
Leave a Reply