Elektorati i PDK-së në Prishtinë nuk mbështet plotësisht Ramën

Analisti politik Fidan Rama në emisionin “Politiko” diskutoi rreth nisjes së fushatës për zgjedhjet e balotazhit që do të zhvillohen më 9 nëntor.

Gjatë bisedës për situatën në komunën e Prishtinës, Rama vuri në dukje se Partia Demokratike e Kosovës (PDK) është në bisedime për një marrëveshje me kandidatin e Lidhjes Demokratike të Kosovës (LDK), Përparim Rama. Kjo marrëveshje përfshin edhe bashkëpunimin në Mitrovicë dhe garën elektorale atje.

Megjithatë, ai theksoi se është i bindur që votuesit e PDK-së nuk do ta mbështesin plotësisht Përparim Ramën, për shkak se elektorati i kësaj partie është i ndarë. Për më tepër, ai vuri në dukje se Lista për Prishtinën ka një distancë nga LDK.

Në përfundim, Rama shprehu mendimin e tij se kandidati i Vetëvendosjes, Hajrulla Çeku, mbetet favorit në këtë garë.