Politologu Blerim Canaj ka shprehur shqetësim për deklaratat e kryeministrit në detyrë, Albin Kurti, lidhur me buxhetin për kandidatët për kryetarë komunash nga partitë e tjera politike.
Ai vuri në dukje se Kurti ka theksuar se nuk do të ketë fonde për ata që nuk performojnë mirë, një qëndrim që, sipas Canaj, reflekton mendësinë e liderit të Lëvizjes Vetëvendosje. Në emisionin “Info Magazine” të Klan Kosovës, Canaj argumentoi se këto deklarata lidhen me frikën e Kurtit për humbjen e votave në Prishtinë dhe Mitrovicën e Jugut në raundin e dytë të zgjedhjeve lokale më 9 nëntor.
Ai theksoi se Kurti po përpiqet të etiketojë partitë e tjera si të paafta ose të korruptuara, ndërsa përpiqet të mbrojë pozitat e tij në këto zona të rëndësishme. Canaj shtoi se, pavarësisht përpjekjeve të Kurtit, qytetarët e Kosovës janë ata që vendosin nëpërmjet votës së tyre, duke kujtuar rëndësinë e procesit demokratik në vend.
Leave a Reply