Tragjedi në Itali: Rrëshqitja e borës merr jetën e 5 gjermanëve

Pesë alpinistë nga Gjermania kanë humbur jetën si pasojë e një rrëshqitjeje bore në rajonin malor Ortler, në Tirolin Jugor, Alto Adige.

Ekipet e shpëtimit italiane gjetën trupat e dy viktimave të fundit, një burrë dhe vajza e tij 17-vjeçare, të dielën. Më parë, të shtunën, u zbuluan trupat e tre anëtarëve të tjerë të grupit, dy burra dhe një grua, të cilët ishin midis moshës 30 dhe 50 vjeç.

Sipas Shërbimit Malor të Shpëtimit, shpresat për të gjetur të mbijetuar u shuan të shtunën mbrëma. Për shkak të kushteve të vështira atmosferike, operacionet e kërkimit u ndërprenë gjatë natës dhe rifilluan të dielën, duke rezultuar në gjetjen e dy trupave të tjerë.

Hetimet për të përcaktuar shkakun e aksidentit janë ende në proces.